ဦးတင်မောင်ဝင်း ကို ၁၉၆၁ ခုနှစ် ဇွန်လ (၁၈)ရက်နေ့တွင် အဘ ဦးတင်မောင်၊ အမိဒေါ်သိန်းသိန်းတို့မှ ရန်ကုန်မြို့တွင် မွေးဖွားခဲ့ပါသည်။ ၁၉၆၆ ခုနှစ်မှ ၁၉၇၇ ခုနှစ်အထိ အခြေခံပညာ အထက်တန်းကျောင်း အမှတ် (၁)၊ ဒဂုံမြို့နယ်၊ ရန်ကုန်မြို့တွင် သူငယ်တန်းမှ နဝမတန်းထိ တက်ရောက်အောင်မြင်ခဲ့ပြီး (၁၉၇၈)ခုနှစ်တွင် အခြေခံပညာ အထက်တန်းကျောင်း အစိုးရစစ်စာမေးပွဲကိုပြင်ပဖြေဖြင့် အောင်မြင်ခဲ့သည်။ ၁၉၇၉ - ၁၉၈၀ နှစ်များတွင် ဒေသကောလိပ် (၂)မှ တက်ရောက်အောင်မြင်ခဲ့ပြီး၊ ၁၉၈၀ မှ ၁၉၈၆ ခုနှစ်အထိ ရန်ကုန် စက်မှုတက္ကသိုလ်တွင် တက်ရောက်၍ အီလက်ထရောနစ်ဘာသာတို့ဖြင့် ဘွဲ့ရခဲ့သည်။ ၁၉၈၇-၁၉၈၈ ခုနှစ်များတွင် ရန်ကုန် စက်မှုတက္ကသိုလ် အီလက်ထရောနစ်ဓါတ်ခွဲခန်းတွင် သရုပ်ပြဆရာအဖြစ် (၂)နှစ် တာဝန်ထမ်းဆောင်ခဲ့သည်။ ၁၉၈၉ ခုနှစ် တွင် ပြည်ပနိုင်ငံသို့ သွားရောက်အလုပ်လုပ်ကိုင်ခဲ့ပြီး ၁၉၉၀-၁၉၉၄ အထိ ပြည်တွင်း စီးပွားရေးလုပ်ငန်းများ လုပ်ကိုင်ခဲ့ပါသည်။ ၁၉၉၅ ခုနှစ်မှစ၍ ILBC ကျောင်းကို ထူထောင်ခဲ့ပြီး ယနေ့အထိ ပညာရေးလုပ်ငန်းများ ဆက်လက် ဆောင်ရွက်ဆဲဖြစ်သည်။ ၁၉၉၇ ခုနှစ်မှစ၍ ပြန်လည်ဖြည့်မြဲစွမ်းအင်နှင့် လျှပ်စစ်စွမ်းအားသုံးယာဉ်များ သုတေသနလုပ်ငန်းဌာနကို စတင်တည်ထောင်ခဲ့ပြီး ယနေ့အထိ လျှပ်စစ်စွမ်းအင်သုံး မော်တော်ယာဉ်နှင့် အခြား သုတေသနလုပ်ငန်းများကိုလည်း ဆက်လက်ဆောင်ရွက်ဆဲဖြစ်ပါသည်။